İmplant haqqında bilməli olduğunuz hər şey: prosedur, üstünlüklər, sağalma və nəticələr
Diş implantı, itirilmiş dişin yerinə sümüyə yerləşdirilən titan süni kökdür. İmplant sümüyə inteqrasiya olunaraq möhkəm dayaq yaradır və uzun illər stabil şəkildə istifadə olunur. Həm çeynəmə funksiyasını, həm də estetik görünüşü təbii dişə ən yaxın formada geri qaytarır.
Diş itkisindən sonra ən vacib suallardan biri budur: «Mənim üçün düzgün müalicə hansıdır?» İmplantın seçilmə səbəbi sadədir — həm funksiyanı, həm də estetik görünüşü təbii dişə ən yaxın formada bərpa edir.
Diş itkisini gecikdirmək problemi böyüdə bilər. Doğru planlama ilə implant müalicəsi həm sağlamlıq, həm də estetik baxımdan ideal nəticə verir.
Rentgen və 3D tomografiya müayinəsi ilə ağız boşluğunun tam qiymətləndirilməsi aparılır. Sümük həcmi, diş əti vəziyyəti və ümumi sağlamlıq vəziyyəti nəzərə alınır.
Hər pasiyentin vəziyyəti fərqlidir. Müayinə nəticəsinə əsasən fərdi müalicə planı hazırlanır. Bütün mərhələlər aydın şəkildə izah edilir.
İmplant steril şəraitdə, dəqiqliklə icra olunan cərrahi prosedurdur. Lokal keyitmə ilə aparılır, proses ağrısız keçir. Əməliyyatdan sonra bir neçə gün yüngül diskomfort ola bilər, bu normaldır.
İmplant sonrası müvəqqəti dişlər implantın sümüyə tam oturması prosesində estetik görünüşü və çeynəmə funksiyasını qoruyur. Adətən implantdan sonra dərhal və ya qısa müddətdə taxılır.
Sağalma tamamlandıqdan sonra daimi protez quraşdırılır. Nəticə uzunömürlü, stabil və estetikdir.
Tam dişsiz çənələrdə minimum 4 implant yerləşdirməklə tam sabit protez quraşdırılır. All-on-6 konstruksiya 6 implant üzərində qurulur və daha yüksək stabillik, güclü çeynəmə qüvvəsi və uzunömürlülük təmin edir.
Üst çənədə All-on-4, alt çənədə 6 implant üzərində aparılan kompleks reabilitasiya da mümkündür. Müalicə prosesi sabit müvəqqəti dişlərlə tamamlanır.
Üst çənədə implant üçün sümük hündürlüyü kifayət etmədikdə sinus lift proseduru tətbiq olunur. Sinus boşluğu ehtiyatla qaldırılır və sümük əlavə edilərək implant üçün möhkəm baza yaradılır. Klinik vəziyyətdən asılı olaraq implant eyni vaxtda və ya sonradan yerləşdirilə bilər.
Diş itkisindən sonra çənə sümüyü kifayət etmədikdə sümük augmentasiyası tətbiq olunur. Vertikal augmentasiya ilə sümük həcmi artırılır. İlk mərhələdə autogen sümük artırma proseduru edilir, sonra implantlar yerləşdirilir.
Diabetiniz var və implant haqqında tərəddüd edirsiniz? HbA1c nəzarəti, sümüyün vəziyyəti və düzgün planlama ilə diabetli pasiyentlərdə də implant uğurla icra oluna bilər. Risklər fərdi qiymətləndirmə ilə minimuma endirilir.
Ürək xəstəliyi olan pasiyentlərdə implant müalicəsi mümkündür, amma düzgün planlama vacibdir. Kardioloq rəyi, qəbul olunan dərmanlar (xüsusilə antikoaqulyantlar) və ümumi sağlamlıq vəziyyəti nəzərə alınmalıdır. Standart yanaşma yoxdur — hər pasiyent üçün fərdi planlama əsasdır.
İmplant zamanı hiss olunan narahatlıq adi diş çəkimi və ya sadə stomatoloji prosedurlardan fərqli deyil. Müalicə yerli keyitmə ilə aparıldığı üçün proses ağrısız keçir. Əməliyyatdan sonra bir neçə gün yüngül diskomfort və şişkinlik ola bilər — bu normaldır və həkimin verdiyi dərmanlarla tez azalır. Düzgün planlama və peşəkar yanaşma ilə xəstələr bu mərhələni rahat keçir.
Diş əti qanayırsa, iltihab varsa, bu infeksiya sadəcə ağızda qalmır. Qan dövranına qarışa, damarları zədələyə və ürək-damar sağlamlığını risk altına sala bilər. Sağlam dişlər daha sağlam ürək deməkdir. Profilaktikanı gecikdirməyin.
3D tomografiya, sümük analizi, ümumi sağlamlıq qiymətləndirməsi
Fərdi müalicə planı, sümük augmentasiya ehtiyacının təyini
Steril şərait, lokal keyitmə, dəqiq implant yerləşdirilməsi
Müvəqqəti dişlər → sağalma → daimi estetik protez
İmplantın sizin üçün uyğun olub-olmadığını öyrənmək üçün müayinəyə yazılın.
Randevu Al